Vídeo do KKE sobre a Soberanía Popular con subtítulos en galego

KKE


(Prema en CC para elixir a lingua dos subtítulos)


Soberanía “nacional” ou popular?
Un dos argumentos utilizados por varias forzas burguesas e oportunistas en Grecia para anubrar as causas da crise capitalista –cuxa raíz está na contradición fundamental que caracteriza a sociedade capitalista, a contradición entre capital e traballo- é o argumento da “perda da soberanía nacional”.

Así, dependendo de quen invoque ese argumento, aparecen diferentes variantes argumentativas do tipo “o goberno non negocia”, ou “o goberno executa ordes dos estranxeiros”, ou, tamén,  que “serven ós alemáns”, “somos gobernados por estranxeiros”, “estamos baixo ocupación”, “Grecia converteuse nun protectorado”, “perdemos a soberanía nacional”, etc. Nalgún momento, este último argumento foi utilizado polo líder do partido socialdemócrata e da Internacional Socialista, o ex-primeiro ministro, G. Papandreu, quen dixo que debido á crise perdemos a nosa soberanía nacional e os traballadores teñen que soportar duras medidas para recuperar a economía e a “soberanía nacional”…

O KKE oponse a eses puntos de vista que enganan ó pobo na medida en que ocultan a realidade e propoñen solucións anticuadas no marco do capitalismo. Ademais, as relacións de dependencia e interdependencia que existen no marco do imperialismo e no seo das unións imperialistas (como a Unión Europea) preséntanse sen ningunha base científica, como consecuencia da perda da “soberanía nacional”, cando, na realidade, son a consecuencia do desenvolvemento desigual dos países capitalistas. A burguesía de cada país participa nesas unións non porque actúe, supostamente como “traidora” ou “antipatriótica” senón para servir ós intereses da clase. Para fortalecer a súa posición no interior de cada país contra a clase obreira, utiliza os mecanismos e medios de represión desas unións. Incorpórase nesas unións para participar, con mellor posicionamento, no antagonismo mundial, cos monopolios norteamericanos, xaponeses, chineses, rusos, etc. e aumentar os seus ingresos. No marco deses obxectivos, a burguesía cede os dereitos de soberanía ás institucións supranacionais. Esas relacións de dependencia e interdependencia non serán abolidas coa humanización das “unións imperialistas”, por exemplo, con máis “democracia” nas institucións da Unión Europea, como sosteñen os oportunistas, senón, ó contrario, por medio da retirada dos países daquelas unións imperialistas a través da disolución desas unións, do establecemento do poder popular e obreiro, coa socialización dos medios básicos de producción, coa planificación central e o control obreiro da economía, ou sexa, o socialismo.

Neste sentido, a Sección de Propaganda do KKE, realizou este vídeo curto e que vai dirixido ó pobo grego. Consideramos de utilidade ter os subtítulos (en inglés, árabe, español, ruso) e presentámolo hoxe.

http://www.youtube-nocookie.com/embed/M15sWa-2CXA

Secretaría de Relacións Internacionais do KKE

A REFORMA LABORAL DO PP SERVE AO CAPITAL E GOLPEA SALVAXEMENTE AO POBO TRABALLADOR


O Goberno do PP lacaio dos monopolios e do imperialismo europeo con centro en Berlín desencadea unha ofensiva brutal contra a clase obreira e o pobo traballador



A REFORMA LABORAL É:

-Abaratamento do despedimento.
-Rebaixa masiva dos salarios.
-Vía libre aos Expedientes de Regulación de Emprego.
-Novos mecanismos de sobreexplotación da mocidade obreira.
-Máis cartos públicos (bonificacións) para a patronal
-Ataque ás prestacións por desemprego
-Privatización dos servicios públicos de emprego mediante as parasitarias ETTs
-Ditadura empresarial nos centros de traballo en materia de xornada, salario e funcións.
-Liquidación dos convenios colectivos limitando a súa vixencia, na perspectiva da súa desaparición.

Parte das reformas xa foran antes pactadas coa patronal e os dirixentes sindicais colaboracionistas.

Todas estas medidas van no camiño de abaratar máis aínda a forza de traballo e endurecer a ditadura da patronal . Máis paro, pobreza, unha mocidade sen futuro, unha infancia desnutrida,sobreexplotación da muller traballadora, milleiros de galegos e galegas durmindo na rúa son o auténtico rostro do Capitalismo na nosa época.

Máis paro, escravitude laboral e guerra imperialista son as "solucions" que nos impón o capital para resolver a crise estrutural do seu sistema podre e caduco.

O ataque aos salarios e aos dereitos continuarán mentres os traballadores e as traballadoras non sexamos quen de erguer unha ampla frente obreira unitaria para derrotar as suas políticas.

O reformismo aposta por unha saída a crise dentro do marco capitalista cando esta é imposible. A única salvación, o único xeito de garantir as necesidades básicas do conxunto da poboación, é mediante a expropiación dos monopolios,mediante a organización da economía en proveito da maioría traballadora e non dunha minoría capitalista.

Compre responder a esta salvaxe agresión organizando a unidade e a loita sostida da clase obrera e o pobo pola derrota do sistema capitalista, pola salida do euro, da UE e a OTAN, pola conquista do poder para a maioría traballadora.

Os e as comunistas de FORXA e o PCPE traballamos por organizar e articular a unidade da clase nunha soa frente obreira clasista e combativa, superadora da división en siglas sindicais e calquera outra falsa división da nosa clase, organizada desde os centros de traballo e os sectores produtivos, barrios e localidades, en comités e asembleas contra o Pacto Social co enemigo de clase,, pola unificación de todas as loitas obreiras, pola Folga Xeral.



Os comunistas do PCPE e FORXA chamamos a preparar a FOLGA XERAL DO VINDEIRO 29 DE MARZO celebrando asembleas, concentracións, mitins, manifestacións, axitando amplamente para acadar unha resposta masiva e unitaria danosa clase ao ataque antiobreiro da patronal e os seu gobernos.




Guerra á patronal e aos seus gobernos,
Guerra ao capitalismo
A loitar para liquidar o réxime de explotación
FOLGA XERAL CONTRA O CAPITAL


FORXA!COLECTIVO MARXISTA LENINISTA
PCPE COMUNISTAS DA GALIZA


NIN REFORMAS DE OLIGARCAS, NIN PACTOS DE TRAIDORES




Unha vez máis, os dirixentes sindicais de CCOO e UGT, veñen de consumar unha nova traizón contra a clase obreira  plasmada no acordo sobre a negociación colectiva, ao cal teñen chegado coas organizacións da patronal. Asumindo e someténdose ás directrices do gran capital, asinan retrocesos e recortes  nas condicións laborais e salariais que benefician única e exclusivamente ás clases dominantes e só ofrecen para a clase obreira máis explotación e sometemento.

As consecuencias desta crise, que os grandes oligarcas xeraron coas súas políticas económicas criminais, está a sufrilas a clase obreira día tras día con índices alarmantes de desemprego, con case 6 millóns de desempregados, cos milleiros de familias que viven ao borde da pobreza, familias cuxas vivendas son embargadas polos bancos, familias ás que lles son retiradas as prestacións económicas e sanitarias, traballadores que se ven empuxados ao abismo e á absoluta indefensión diaria e continuada ante os abusos da patronal. Ese é o camiño que nos ofrecen os capitalistas para saír da súa crise. Con acordos e rendición (baixando os pantalóns) responden os líderes sindicais traidores comprados pola oligarquía. Queren que nos apertemos o cinto en aras da estabilidade capitalista; pretenden que nos resignemos e asumamos como inevitábeis as políticas antiobreiras impulsadas pola UE do capital.